******************************************************************************
Hemm rahal li narah u ma narahx. Ir-rahal mhux fuq gholja mhux fil-witja, mhux max-xtajta mhux fil-wied. L-Escort tieghi ma tasalx: toroq ma jezistux. Hemm rahal li narah u ma narahx.
Hemm rahal li narah bhal ghabra fir-ragg tax-xemx. Ghandu l-kandexxenza tal-verdemar u kultant ifakkarni fi Giotto. Hemm rahal li narah u ma narahx.
In-nies-qishom-nies-u-mhux-nies ghandhom wicchom il-kuluri tal-qawsalla. Fil-bur tidher baqra b'zewg irjus: b'wahda tiekol is-silla, bl-ohra thares lejn it-tina illi tahtha qed jinhabbu guvni bronz tfajla peprina.
Hemm rahal li narah u ma narahx. La tahsbux li da-rahal hu xi rahal ta' Andersen ta' Grimm jew ta' Perrault. Dan ir-rahal jezisti tassew. Jiena naf illi jezisti --- ghax rajt guvni tal-bronz ihobb tfajla peprina; u baqra b'zewg irjus u silla u tina.
Hemm rahal li narah u ma narahx.
Xi darba nsibu dan ir-rahal.
Victor Fenech
(Dedikat ghall-memorja ghaziza ta' neputi
Matthew Mercieca, 5/23/93 -- 3/20/95)
Harset lejja, waqt li jien inzajt qabel ma dhalt norqod, biex tara jekk
ghandix l-intenzjoni li noqtolha. Harset b'zewg ghajnejn kbar, li fihom
ir-riflessjoni tieghi biss tikka. Harset waqt li kompliet tnaddaf saqajha
ta' quddiem, li ftit minuti ilu zammew daqsxejn ta' kamla li kielithu
minn denbu sa rasu, waqt li hu, il-hin kollu, jaghti b'saqajh u jipprova
jahrab. Debba tax-xitan. Ras il-kamla ghall-ahhar qisa trid tohloq
l-aktar ugieh possibli. Hatfitu w, f'xita zghira ta' bcejjec mill-gwienah
u saqajnijiet, qattat siegha tieklu, waqt li hu bata. X'xorti tajba
ghalijja li jien bhal ggant hdejha; li nista nerga' ngerrixha fil-vazett
tal-karawett fejn inzommha. Illum, ragel ta' tletin, niehu aktar hsieb li
ma nressaqx subghajja lejha minn dik id-darba, ferm izghar, meta kont
qbadt iehor bhala. Kien gidimni, w jien u hu malajr infridna. Fl-ahhar,
l-agunija tal-kamla ntemmet, meta kielet anki rasu...
Kif jista' wiehed jemmen li hemm Alla fis-sema meta l-mewt, anki ghal
wiehed daqshekk zghir, hi mimlija ugieh u agunija? U hi, dik id-debba
tax-xitan, tghid il-Malti jaf xi haga aktar dwarha, b'isem bhal dak?
In-natura bla morali. Mhux immorali, izda bla morali. Id-debba tax-xitan
taf biss li hi trid tiekol. Jekk l-ikel taghha jssoffri, hi ma tafx b'dan.
Il-moralita hi invenzjoni tal-bniedem, li kapaci jhoss ghall-iehor.
In-natura qatt ma ivvintat moralita bhal din. Ghalhekk il-kamla bghata.
Ghalhekk il-kancer tkattar f'tifel bilkemm kellu sena; saqajh, rasu,
sidru, jdejh, ghadmu w f'gennata ta' orgni ohra. Kancer tat-tfulija
b'isem stramb: neuroblastoma. it-tajjeb u l-hazin ghalina li halla
warajh biex nikkunsidraw.
In-natura ma tafx b'tajjeb, ma tafx b'hazin.
Izda t-tifel sa l-ahhar laghab m'ommu!
Victor Debattista
Gieli kienet thares fil-mera u tara biss zliega. Imbaghad gieli l-mara
kienet thares aktar fil-fond u tara xbihat li ma basritx. Dakinhar, meta
l-klima f'mohhha kienet imcajpra wara lejl holm ikrah, id-dehra taghha
fil-mera kienet stramba aktar mis-soltu. Meta harset sew u ghat-tul,
intebhet li wiccha kien jidher deformat.
Kemm kien hemm ghajnejn? Dawk troffi qed jaqghu minn rasha? Snienha biex
thaffru mill-bierah sa dalghodu, meta l'anqas semghet is-sejha tal-bahar
mis-setah tal-franka?
Wiccha Taghha u mhux taghha. Fil-ghaxija ma kienet indunat b'xejn,
imkebba kif kienet fil-hsibijiet jigru maghha, jkeffnuha taht il-qamar
diehel mit-tieqa, donnu simbolu taz-zmien abjad, pallidu.
Wiccha deformat. il-wicc ta' l-eqqel realta'. Ir-realta' setghet kienet
l-ixkora ta' l-illuzjonijiet li ppruvat timtala bihom. Darba kienet qrat
il-poezija tal-mingel: Hares lejn il-mingel meta. minflok demm, / ikun
imxarrab bin-nida tal-fidda...
U issa liema mingel se jahsad l-illuzjonijiet ta' din il-mara, wicc
imb'wicc mal-mera wahedha, bil-fattizzi deformati?
Sa minn ckunitha ppruvat timla l-vojt bil-fantasija: dwieli, ocejani
bl-ghasafar itiru, iljieli ta' mhabba fil-foresta u xita tbierek
il-pjanti kbar tal-foresta, bl-insetti jistkennu ghall-irdoss tal-hamrija
niedja.
Belghet il-fantasija u ttamat li xi darba ssehh fiha l-bidla.
Il-metamorfosi tal-mara --- tibdel il-faxex tal-luttu taghha u jsiru
perpuriet kuluriti, itiru mehlusin mar-rih lejn il-kontinent
tal-liberta'. Hemmhekk fir-realta' l-ohra, fejn l-ghasafar ma jinqatlux u
fejn il-gwienah ma jiccungawx.
"Irrid nbiddel u rrid nibdel," qalet lill-wicc deformat fil-mera.
Il-lehen donnu ma kienx taghha. Kienet ilha ma titkellem tghajjat,
imdorrija kif kienet fil-kefen tas-silenzju. "Jekk ma ninzax dawn
it-triehi qodma, se nhaffer tebut f'qabri u nsakkar fih il-passivita'.
Il-holm ma zarratx it-triehi l-qodma. Immuffahom biss..."
Qalet il-mara li hemm tama li timlik bil-fwieha tal-bahar bikri, u ohra
vojta, li tmewwitlek l-istennija, li min jaf meta tfegg.
L-hena qatt ma fdatha. Kienet drat tafda biss qaghda, jew ahjar
il-lakuni, meta thossha vicin ir-ragel tal-holm. Ir-ragel li ma kellimha,
li qatt ma kellu isem. Dik l-unika hena li kienet vera, anki meta
fil-boghod kien hemm iserrep kurrent ta' diqa. Fehmet ukoll li t-triq ta'
dak ir-ragel stramb li jinvadi l-holm taghhakienet triq li tigbidha,
mudlama kif kienet. Ghax ma kinitx mudlama biss dik it-triq. Kien hemm
l-alternanza. Ritmicita' li fl-irqad u t-thewdin kienet thanninha. Forsi
tistrieh.
Qalet il-mara: "Is-serhan tieghi ma jfissirx l-ghassa tal-lejl tieghu."
Il-wicc fil-mera beda jiehu sura ohra. Forsi kien wiccha. Forsi ma kienx.
Il-bahar rega' beda jsejjah. Dejjem hekk jaghmel l-ocejan biex jikkonsla
mara wahedha. Mara wahedha l'anqas l-allat ma jrejquha.
(Imnebbha mix-xoghlijiet ta' Luce Irigaray u Helene Cxious).
Patricia Gatt
(Jissokta...)
WERREJ
---- Poezija (G. Borg)
---- Data Base (P. Sciberras)
---- Naf Tifel (G. Borg)
---- Ghajjur iz-Zmien (S. Grech)
---- Bexxaqli Kemmkemm Fommok (C. Cauchi)
---- Sensiela (A. Grima)
---- Meta Niftakar Fik (G. Borg)
---- Il-Poeta Gellied (A. Marshall)
---- Targa Targa (L. Spiteri)
---- Hajki (S. Grech)
---- Issa li l-Mewg Ghadda (E. Attard)
---- Tempji tal-Qedem (D. Massa)
---- Natura Mdabbra (R. Balzan)
---- Ahn'Ilma Jgelgel (O. Friggieri)
---- Wara (V. Fenech)
---- Hemm Rahal (V. Fenech)
---- Olympus (A. Mizzi)
---- U z-Zoroq Ghajnejk (A. Marshall)
---- Id-Debba tax-Xitan (V. Debattista)
---- Issa l-Fjuri Dbielu (P. Sciberras)
---- Hagar Qim (M. Grech Ganado)
---- Il-Bir (J. Friggieri)
---- Zodjak (M. Azzopardi)
---- Wahedha Wicc Imb'Wicc mal-Mera (P. Gatt)
---- Il-Muza tal-Kimono (A. Buttigieg)
---- Intervalli (M. Azzopardi)
---- Sakemm (V. Debattista)
---- Lilek bhali (J. Axiaq)
---- Lill-Qamar (J. Agius)
---- Immira I (J. Agius)
---- Immira II (J. Agius)
---- Paradossi (J. Agius)
---- Mall (M. Attard)
---- Drydocks '95 (D. Grillo)
---- Puppazz (S. Grech)
---- Jien ma nemminx (M. Griscti)
---- Utopja (F. Galea)
---- Ic-Curkett (J. Aquilina)
---- Passjonijiet (J. Aquilina)
---- Ghalik (S. Grech)
---- Ghaliex? (C. Bianchi)
---- Mandala (P. Sciberras)
---- Iz-Zghozija (C. Flores)
---- Qed jaqta' hafna fjuri minn qalbi (D. Micallef)
---- Ghad Fadal Ghada (R. Mahoney)
---- Talba (S. Grech)
---- Meta Ghada (Carmel G.Cauchi)
---- L-Eroj Tal-Gwerra (Noel Fabri)
---- Ghaliex Ja Hajja (Dennis Arrigo)
---- Salm (Sergio Grech)
---- Sorry (Joe Azzopardi)
---- Karta Xuga (Joe Axiaq)
---- Il-Bierah (Joe Axiaq)
---- Jekk s'Issa (Joe Axiaq)
---- Hsibijiet Gugarell (Noel Fabri)
---- F'Hajti Stennejt (Victor Fenech)
---- Epigramma A (Joe Friggieri)
---- Hajku (George Falzon)
---- L-Ilma tal-Wied (Gorg Borg)
---- Bnedmin (Maurice Mifsud Bonnici)
---- Protests Maltija (Oliver Friggieri)
---- X'jien u Min Jien (Fredu Cachia)
---- Eternita' (Joseph Bugeja)
---- Sandra (Manwel-Nicholas Borg)
---- Hdejk (Daniela Agius)
---- Il-Bajda u Hamra (Manwel Nicholas-Borg)
---- Qalbi (Sergio Grech)
---- Kliem (Joe Axiaq)
---- Tliet Hwejjeg (Noel Fabri)
---- Delitti (Joseph Bugeja)
---- Minn Kull Ma Hlomt F'Zghoziti (Ruzar Briffa)
---- Caritas (George Falzon)
---- Gmiel (Carmel Calleja)
---- Stennejt (Joe Axiaq)
---- Mediterran (Mario F. Bezzina)
---- Gandoffa (Mario F. Bezzina)
---- Realta' (Sergio Grech)
---- Fis-Sema Tieghek (Gorg Borg)
---- Riflessjoni (Natalie Guillaumier)
---- Hajku (Manwel Cassar)
---- Immortalita' (Maurice Cauchi)
---- Medusa (Karen Vella)
---- Iz-Zmien (Sergio Grech)
---- P.S. Footnote ghall-Hrafa Tieghi (Sergio Grech)
---- Poezija (Carmel Callejja)
---- Xewqa (Carmel G. Cauchi)
---- Lill-Prof. Guze' Aquilina (Manwel N. Borg)
---- Fuq xifer... (Dr Mario Farrugia)
---- taht it-torri ta' l-ghallis (Louis Briffa)
POEZIJA
Hawn tant energija
mahzuna
go dal-mikrokozmu ta' vers
li qed nistennieh
li jisplodi
li jsir
univers.
Gorg Borg
DATA BASE
f'laboratorji storduti
u sodod illuppjati
kromosomi ultra mgienen
ikklonizzaw
wild il-kompjuter
robotika l-mixja,
drogata n-nisga
ta' utopiji virtwali
u jot minghajr qies.
Philip Sciberras
NAF TIFEL
Naf tifel li tela' mill-bahar.
Naf tifel li farfar tfulitu
Fuq medda ta' ramel.
Naf tifel li x-xatt kien pajjizu
U l-mewg kien id-demm jigri fih.
Naf tifel li rega" mar lura
Fil-bahar,
Fil-qiegh.
Gorg Borg
GHAJJUR IZ-ZMIEN
ghajjur iz-zmien
ifarfar
il-bjar iffullati ta' l-ucuh.
ghajjur iz-zmien
ihit u joftoq
l-ispag.
ghajjur iz-zmien
ifattar it-tebghat.
ghajjur iz-zmien
jirtira mill-kunflitt
bla avviz.
Sergio Grech
BEXXAQLI KEMMKEMM FOMMOK
Bexxaqli kemmkemm fommok
u halli lehnek mieles
iqattar gizimin,
qatriet ta' balzmu jfuh
biex dan il-jien migruh
fis jerga' jiehu r-ruh.
Dawwarli kemmkemm harstek
u halli dawn ghajnejk
ilehhu zewg berqiet
fil-fond ghammieq ta' ruhi
biex dan il-jien mifxul
izernaq minn kull diq
u jerga' jsib it-triq.
Carmel. G. Cauchi.
SENSIELA
Hajjitna mumenti,
u ahna kuntenti bl-ispazji
bejniethom.
Hajjitna sensiela ta' parties mahsuba
li jfallu,
hlief meta jtaptpulna minn wara
u jaqtghuna mill-biza"
li nfallu.
Hajjitna sensiela tistenna biex tieqaf
imqar darba wahda...
u tissokta.
Adrian Grima
META NIFTAKAR FIK
Meta niftakar fik
mohhi jixghelli wahdu
bid-dawl
u l-jiem ta' hena
jidhruli twal.
U f'dak il-hin
ghal ftit
niggerra hafi
go l-infinit?
Gorg Borg
IL-POETA GELLIED
hafif
ma jafda 'l hadd
jislet ix-xabla tal-kliem ghat-temp ta' lehh il-beraq
u jiddefendi sidru
imbaghad bil-grazzja u l-agilita' ta' zeffiena baliniza
joqtol il-farfett
li b'innocenza ta' bambin
ikun ittajjar kerubin minn gewwa l-kristalis ta' qalbu
Albert Marshall
TARGA TARGA
Targa targa
minn isfel ghal fuq
kull targa mimlija
bil-fliexken imbattla
biz-zghazagh jitbahardu
bi xjuh jilaghqu xufftejhom.
Targa targa
nitilghu ghajjiena
via sagra Spanjola pagana
ma twassal ghalxejn
il-bierah bil-lejl...
Lino Spiteri
IX-XITA
thammeg l-istampa.
iccallas l-imhuh oqbra
traqqaq vizjoni.
il-bibi tielgha
l-Awtorita' titewweb
l-indifferenza.
hsieb illogiku
jintemm filosofija
minn id professur.
hajja ta' tifel-
skola, privat, pjanu
ftit divertiment.
biex timpresjona
issustanza l-argument
bl-istatistika.
fl-opra Nabucco
hemm ghajta ta' protesta
il-Va pensiero.
orkestra hsejjes
melodija qtugh in-nifs
martirju koma.
waqt gwerra bierda
s-silenzju jissarraf
kannibalizmu.
L-GHAJNEJN
l-ghajnejn jizolqu
l-ghajnejn jitfarfru kuljum
l-ghajnejn jitghawwgu.
KOMMUNIKAZZJONI
il-qlub miftuha.
l-ghajnejn jitbissmu hajja.
il-kliem jitghajjex.
hoss ambulanza
sigar b'rashom maqtugha
il-mewt fit-tieqa.
tinhema l-mewt
minn wara dahar il-bniedem
tasal bla avviz.
l-istudent moda:
pappagall riekeb l-ispag
ghal certifikat.
kaxxa ta' l-ittri-
barra l-kartolini
ittri bla firma.
pesta moderna
poplu mitluf jargumenta
fuq il-hmerijiet.
fil-ktieb tal-ligi
joghnosu bierda spazji
ghall-korruzzjoni.
il-bnieddem tirann
lill-qamar seraqlu
s-solitudni.
Sergio Grech
ISSA LI L-MEWG GHADDA
Issa li l-mewg ghadda minn fuq rasna
u halliena msammrin mal-blat zonqri
b'pont wieqfa misnunin,
xmux il-gherf,
ta' dawn l-allat li hawn madwarna,
xirfu kollha
minn got-tieqa ta' l-infallibilta'
u xeghlu d-dawl imlewna
kollha juru t-triq tas-sewwa.
Emanuel Attard
TEMPJI TAL-QEDEM
Mas-seher tal-koppla ta' sidrek
ghajnejja maghluqa
wara li hlejt kull nerv ta' gismi
hossha taqbad ir-rieda
bhal golja ddur iddahhan f'eghruq
ic-crieki ta' l-arznu
u l-lifgha m'gharqubi
xxidd izmna wara izmna
sserrep mal-hawt fil-precint ta' Tanitt
Tanitt j'omm
jekk dirghajja jniffdu s-sigra bid-durium
b'golja tad-drill Black & Decker
jekk jirnexxili nidhol
naqra
hu f'idejk u aqra
ghanja
ta' fertilita' li ma tintemmx
Mill-bejta ta' zghozitek
minsub bis-sliem qabel il-kliem
inqum ghasfur qed naqbad
gherq nitwahhad ma' l-arznu
u nxerred libghati f'hogrok mara
sa jigi r-rih jehodha
jtaqqal il-frott fir-raba' baghli
u terga' tghanni l-bibla
fil-gholi fis-sigar tat-tamar
x'imkien
qrib il-bahar.
Daniel Massa
NATURA MDABBRA
Ghaliex taf lilek biss
u tqim sa l-art
li tmidd il-passi fuqha
ma tafnix
jew... tafni biss
biex tkabbar dellek kiebi
fuq wicc imqit u niexef
ta' natura
mahluqa minnek.
Lil hinn mir-realta'
li thaddan int
is-serh fis-skiet
minsug ma' l-ghanja hielsa
li tbennen il-holqien.
Rena Balzan
AHN'ILMA JGELGEL
L-istorja taghna trid tintemm xi darba
bhall-ilma mqalleb li jsir ilma qieghed,
bhall-gebla li titgerbeb sa ssib postha,
bhall-pindlu ta' l-arlogg li fl-ahhar jieqaf.
Kull lejla meta jinzel dlam fuq djarna,
u wliedna jistaqsuna xi jkun gara,
naqilbu l-kliem ghax ma nafux inwiegbu,
u nghannu l-innu stramb li twieled maghna:
"Ahn'ilma jgelgel u hadd ma jixorbu
ghax il-mewg taghna fih il-melh tal-qerda.
Ahna gebliet li nqlajna mill-imqades
t'allat li mardu w mietu iddisprati
fi glieda ta' bejniethom. Ahna pindlu
li wasal biex tinhlilu l-energija."
Oliver Friggieri
WARA
Wara l-bahh tal-vojt
il-mili ta' kollox.
Wara x-xejn ta' kulhadd
il-hafna tal-ftit.
Wara l-hakma ghakkiesa
l-ghajta mahnuqa.
Wara n-nixfa ghatxana
il-gelgul tad-demm.
Ma' nzul ix-xemx ---
ix-xejn ta' kulhadd
u l-bahh ta' kollox!
Victor Fenech
HEMM RAHAL
OLYMPUS
Wara s-shanat
ta' cilindri jitmattru
u eghkiesi jilehgu
kumbattiment
ta' ingagg u helsien
ta' lievi u fusien...
erhuni
nintreha ninhall
tebgha zejt
titwassa'qawsalla
kloroforma
fuq ibhra ta' zirkonju
go l-izraq tal-Jonju
nghanni
bl-allat porporati
bix-xedaq
tad-deheb u l-avorju.
Achille Mizzi
U Z-ZOROQ GHAJNEJK
din hija rebbiegha li fethet bhall-murtali tal-kulur
u fuq il-hajbur ta' l-ghaxijiet imwieghda
rasha 'l isfel is-sahhara hadra
titrabbat bis-sallur
u inti b'ghajnejk zoroq
treddaghli 'l uliedi bi zewg gdid
titmaghli frieh il-qattusa bebbuxija
bil-fdal ta' nofsinhar
tghannili fis-skiet il-hrejjef ta' rguliti
l-inwar ta' madreperli leluxija
rebbiegha din li fethet bhall-murtali tal-kulur
u maghha dahlet is-sahhara hadranija
u z-zoroq ghajnejk
Albert Marshall
ID-DEBBA TAX-XITAN
ISSA LI L-FJURI DBIELU
issa li l-fjuri dbielu
u l-ilma-qieghed fil-vazett intrema
tista' terga' torbot iz-zigarella ma xaghrek
u tissokta fi triqtek
gheja il-mohh igedded it-tifkira
tad-dirghajn girlanda ma' rasi
u x-xitan li hazzez l-inkejja
fl-irmied tal-bews mahruqa
harab u gheb
fl-infern tal-bierah
ghada r-raggi ta' xmux godda
jixeghlu gonna ohra
u jbaqqnu gewwa qalbi
eghjun ta' safa u tigdid
issa li l-fjuri dbielu
u l-ilma-qieghed fil-vazett intrema.
Philip Sciberras
HAGAR QIM
Quddiem il-gebel jitwaqqaf
jittama
li jerga' lura z-zmien li kien
bla nifs jistenna jissamma bla nifs
ghal lehen mill-qedem
tbassarlu t-twettiq ta' kull ma jixtieq.
U jien mela
bhat-trab ta' taht saqajh ma nhossx
is-seher ta' l-imghoddi
jfewweg imewweg maz-ziffa
minn bejn il-gebel abjad
li hu jqim?
Jew jahseb illi jqim
kull meta jibza'
jinfed 'il gewwa 'l gewwa ---
ma imurx ikun ghadu mistur fil-gebel
xi lsien tan-nar
li qabbad
lil dawk illi waqqfuh...
Jiena nissogra
ndur mal-hagar sieket
msieheb mal-bahar
imghannaq mil-berah
u fuqna s-smewwiet.
U nhossni qed ningabar fi hdanu
mad-dielja ghammiela u mal-haxix
frisk u hadrani
li jixxettel u jinfirex bla tfixkil
sa fuq il-bosta altari mnaqqxa madwari
u mzejna tul is-snin
mad-dehra tar-rebbiegha.
Indur kull fejn indur
madwari tfur il-hajja
waqt li wieqaf fuq iz-zuntier
jiccassa
f'holma mimlija cpar
lejn xbejba liebsa l-abjad
mixhuta fuq l-artal.
Hawn fil-qalba tat-tempju
'l hinn u 'l hawn miz-zmien
tinghaqad in-natura ma' wirt missirijietna
ha jghollu l-hajja.
U nhoss ic-cpar li ghad jixtieq imelles lil ghajnejja
jinxtorob mil-hagar
jintilef fil-bahar
jinbela' mill-berah
filwaqt filwaqt
li l-ghana tal-holqien timla u tfawwar
u kullimkien tghaqqad il-hlejjaq taghha
bit-tama fil-gejjieni
'l hawn u 'l hinn miz-zmien.
Hawnhekk renhitni l-hajja
u fhimt l-ghaliex
it-tempju jissejjah
Hagar Qim.
Maria Grech Ganado
IL- BIR
Fil-qiegh tal-bir
fejn jahbat il-barmil
hemm wicc u par ghajnejn
iharsu 'l fuq mill-ilma
jitharrku biss ma' kull taqtira
li taqa' minn mal-hnejja
Mill-qiegh tal-bir
bis-satal f'tarf il-habel
it-tfajla tal-eghlieqi
ittella' mill-imghoddi
l-ghajjat tat-tfal fis-sqaq
il-kliem maqtugh tal-bdiewa fuq is-setah
l-ghana tad-dris fuq l-andar zmien il-hsad
il-hoss tas-sikka tofroq il-hamrija
l-inbieh tal-klieb fil-btiehi
l-inhir tan-nies reqdin
bit-twieqi miftuhin
it-talb ghad-dawl tal-lampa
l-iddin tas-sriedaq maz-zerniq
il-garr tal-baqbaqun
fil-barumbara.
Fil-qiegh tal-bir
kif jahbat il-barmil
il-wicc tarah idub, l-ghajnejn jiccajpru,
u tisma biss, meta ssejjahlu,
lehen bikkej jirbombja, jdur mal-hnejja,
lehen l-ulied u lehen in-nanniet
diehel u hiereg mill-irkejjen suwed
sejjer 'il boghod
fl-imghoddi li ga ntesa.
Joe Friggieri
ZODJAK
Mal-monokorda
bejn is-sema w l-art
baqghu jiddewbu l-kwiekeb.
F'lejl qasir u falz
il-valz passiv tal-friefet.
Iz-zmien wieqaf.
Bejn ic-cinkwini ta' l-arlogg etern
l-eklissi.
Il-Bniedem l-ibghad pjaneta
torbita
fl-ispazju tal-mewt.
Mario Azzopardi
WAHEDHA WICC IMB'WICC MAL-MERA
"And if the wine you drink, the lip you press, end in
nothing in nothing all things end in, yes, then my fancy
while thou art, thou art but what thou shalt be ---
nothing --- thou shalt not be less."
(Mir-Rubaiyat ta' OMAR KHAYYAM)
IL-MUZA BIL-KIMONO
h a j k u
Qisu cirasa,
il-hajku tibilghux,
izda oqghod soffu.
Hajti fil-ghabex...
qalbi bhall-bilbla tghanni
qabel ma torqod.
Grazzi Mulej!
grazzi tan-naghag u l-hrief,
grazzi tas-sriep.
Il-bdiewa siefru;
u tara biss fl-eghlieqi
irgiel tat-tiben.
B'linka tal-fidda
mal-hajt il-bebbux kiteb
il-heroglifici.
Mulej hallini
nghaddi mid-dwana tieghek
biss l-ghanja tieghi.
t a n k a
Il-bugonvilla
telghet mal-hajt sat-tieqa,
mhux sabiex tisraq,
izda biex toffri fjura
lin-nies ta' gewwa l-kamra.
Mhux kattidral
gotiku mis-sbieh lil qalbi
irridha tkun,
'mma knisja zghira u fqira
tal-bdiewa qalb l-eghlieqi.
Anton Buttigieg
INTERVALLI
1. Bejn illum u l-ewwel tnehid tieghek
meta r-rih dahal bejn l-ghadam
ma baqa' xejn
hlief il-hoss ta' l-insetti
jfaqqghu mat-tubu.
2. Il-parassiti kollha jerdghu
id-dawl tal-kwiekeb.
Poeta pallidu jpingi kwiekeb godda
u jixghelhom bil-verita'.
3. Xtaq li kienet pupa bajda
li tkanta l-ghanjiet taghha stess
lill-harifa.
4. Meta hares fil-meraa kien hemm
strangier ghajjien
ihares lejh.
5. Jien il-ferrovija li ttellaq maghha nfisha
fl-intervall ta' bejn il-karnival
u l-jum tal-limbu.
6. Forsi ghaadek ma tistax tifhem:
mal-genb tat-triq
is-sigar isibu s-sabar iharsu lejn xulxin
u jifhmu t-temp u jifhmu l-hoss
tal-vagun tat-tramm
u l-kimika tal-monotonija.
7. Iz-zmien ghaddej skond l-iskema:
l-amuleta bil-velenu
ma kinetx fuq l-agenda.
Mario Azzopardi
SAKEMM
------
Sakemm ix-xemx f'nofs in-nhar tohlom
B'hajja friska taht il-mewg mar-rizzi...
Sakemm is-serduq jahrab mill-gallinar
U jistkenn miz-zernieq f'gherien mudlama...
Sakemm is-sajjied jibdel luzzu b'ghajn li tharsu
Ma bhima tilheg u mohriet imsaddad...
il-bieb tad-dieqa jistenna miftuh.
Sakemm Alla fis-sema ma l-angli
Jixhet harstu lejn il-bniedem...
Joey Grima via Victor Debattista jew vice versa
LILEK BHALI
Hbub ghajnejk xtrajthom mill-folla...
gharafthom subghajk,
b'difrejn inaqqxu l-qlub
taghmilhom bocci bojod zghar tal-kamla
bla qatra demm.
Gharaftha l-kelma
hierga minn dawk xufftejk karta xuga,
tissensel mal-lejl bla nhar...
Gharaft il-jien ta' darba.
Hallihom dawk l-ghajnejn
jitkellmu minn wara nuccalijiet skuri
f'din id-dinja ta' ftit kliem...
jitkellmu bik u bik... u bija u bija...
Ahna nafuhom...
LILL-QAMAR
----------
Daqqu t-tokki;
Wiehed... tnejn... tlieta....
Tennew imma fl-ahhar
Waqfu ghal kollox.
In-nies rieqda
F'hemda li twahhax
Johlom holm
T'elf sena ilu.
Il-qamar, il-kwiekeb, kemm huma sbieh
Kieku ma kienx hawn id-dinja fosthom.
Harist ghal darb' ohra
Lejn qamar jiddiehak.
Harist, tghammixt u werzaqt.
U l-qamar inqasam
F'elf bicca
U baqa' jidhak.
Issa n-nies stembhet
U ma ntebhet b'xejn!
IMMIRA
------
Nitolbok la ssejahlix izjed ghax jekk
Lehnek jerga' jmelles lil widnejja naf
Li ninfaqa' nolfoq bhal tarbija ghax
Meta niftakar li bejni u bejnek
Hemm bahar jaqsam u l-pont iggarraf
Inkun nixtieq inserrah rasi tahraq
F'hogor ommi u d-demghat shan li jgelbnu
Minn xfar ghajnejja nimsaghhom mal-fardal.
IMMIRA II
-----------
Minn meta f'hajti rfist bla hoss u lehnek
Dewa mal-ilmenti, jien qatt iktar ma
Hlomt il-hlewwa tal-pitghada ghax meta
Fuq l-imhadda rasi nserrah u l-velu
Helu ta' nghasi jifrex is-subkonxju
Bic-cpar umdu tal-jista' jkun darb' ohra:
L-ucuh fantazmi li hfief jimirhu fuq
Il-palk ta' Morpheus jinbidlu hesrem
F'wiccek b'halq berah ihanxar il-priza
Sagrimentali fuq l-artal ta' Eros!
PARADOSSI (waqt barbecue 18/5/91)
---------------------------------
Sakemm il-gamar jikwi
Lewnu jghammex daqqa ahmar daqqa abjad
U s-shana tghallaq u d-demm ibaqbaq
U r-rih ifewweg l-infern
U d-dlam ikattar l-ilwien
U l-ghajnejn xotti jissummaw
Lejn fdalijiet tas-sagrificcju
U l-ilsien ilebbet sovran
U jikxef il-mistohbi gewwa l-ghar
U s-snien jghomodu karawett imhassar
Li jdarrasshom u jqarras ix-xuftejn
U l-griezem jghumu f'gelgul t'imbid
U fix-xmara ta' nifsijiet imghaggla
U d-dhahen tas-sigaretti u l-gamar jikwi
Inessu l-frugha u l-biza tar-rutina:
Sakemm l-irdum ma jcedix
Bil-piz tal-bahh fuq daru
Sakemm l-ghanja ta' eku u ghagha
Timrah u zzur il-kwiekeb f'habshom
U l-qamar idur madwar id-dinja:
Ghal xejn twerzaq u tixher il-gawwija
Ghal xejn il-gwienah jittebbghu f'raxx ta' dmija!
Joe Agius
MALL
Urajja Mall ta' tifkiriet ---
Moghdija mizuna fuq gnubha
b'sensiela ta' mfakar,
bhal zewg kefef tal-mizien
li bejniethom qeghdin jorqmu
lill-miti li sa minn ckuniti
mlewli sriebet ta' hsibijiet.
targa
fuq
targa
sena f'sena
ilkoll qed iqisu lill-polz tieghi
u bhal stimolu kull tahbita
qieghda sservi ta' riedni
fl-attivita' ta' mohhi.
Mario Attard
DRYDOCKS '95
L-erwieh qed jghajtu
minn wara kolonni
zvergnati
bi krexx helmet safrani
jitolbu gustizzja mal-
bicciet katavri
li fadal mal-bajjiet
imnikkta
b'zejt tqil qatrani
***
Disgha hallewna
f'wied demm anonimu
nsaffu t-truf ta' dinja orgja
ta' l-assurd
Id-dell tas-salib
wasal sal-kantuniera
David Grillo
PUPPAZZ
Interzjat f'qalbi dan il-mewg bellusi.
Fi xtajta mwarrba f'hodon l-ewforja
niccassa lej ix-xejn
biex forsi nifhem l-agir
wara dan il-kwadru.
... Kollox gidba, kull bidu ghandu tmiem,
kull sentenza jrid ikollha ghan
... dawn il-konkluzjonijiet banali
dak l-alla li nnegajt
dik il-warda li pittirna jien u int
dan il-holm bla tifsira.
L-ispag tal-puppazz tieghi
thabbel.
Sergio Grech
JIEN MA NEMMINX
jien ma nemmen qatt...
bil-baqar sagri
li jbezzghu l-gejjien.
jien ma nemminx lil dawka
li jxahhmu w jixxahhmu
u jissejhu "ta' qalb tajba".
jien ma nemminx b'iljunfanti
li jittrumbjaw 'il qzieqez
taht qamar kwinta.
ma nemminx b'socjeta' li tistordi
bir-riha qawwija ta' ncens
li jwasslek il-genna.
ma nemminx li hawn iktar
anxtajnijiet, davincijiet, karavaggijiet
hlief fil-kotba tal-qedem.
hallini ma nemminx
ghax hajti ma nqishiex
b'cucata twila.
Mario Griscti
UTOPJA
hsibt li nuri hsiebi gharwien
mill-identita' t'isem siewi
li xxebbah ma' djul il-jien
hsibt li nnezza' 'l hsiebi
mill-indhil tar-rih qarrieqi
li jolqotni kull meta nohrog
fit-triq jew nixref fis-skiet
hsibt kemm-il darba kif nista'
nghix mistur lil hemm mir-rih
izda min se jaghtini n-nifs
jekk mhux iz-ziffa
f'das-sajf qadim
hsibt l-ewwel darba li fhimt
fl-ehxen qoxra tal-bajda
u skirt bl-ilma tal-bir frisk
u bl-eku tan-nifs go fih
tlift il-qawwa fuq is-sensi
biex rajt biss il-wicc
imcaqlaq zenguli
mera fis-snin
li gejjin mill-hsieb li ktibt
u bqija ma bdiltx
mill-hsieb tal-hsieb li hsibt
fhimt il-ghuda tal-haddiem
Frances Galea
IC-CURKETT
Kulhadd ferahlu,
ghax isqof sar,
sarulu festi
fil-knisja kbar.
Waqt il-funzjoni
fil-katidral
lill-gemgha kellem
minn fuq l-artal.
Go sebghu kellu
ruzett sabih
miexi u jbierek
lill-folla bih.
Ommu hemm kienet
f 'siggu bir-roti
bis-snin mghobbija
'mma l-menti sodi.
U fuqha resaq
wara l-funzjoni
it-tnejn imqanqla
b'wisq emuzzjoni.
Idejha qabad
u lilhom bies
fost entuzjazmu
ta' folla nies.
F'subghajha kellha
taz-zwieg curkett
li kien ghal binha
ksib ir-ruzett.
Joseph Aquilina
(Melbourne, Australia)
PASSJONIJIET
Tfajla b'velu rqiq mistura
harget tizfen mal-mahbub
quddiem gemgha nies go sala
toghla u tinzel fuq l-gharqub.
Fid-dawl baxx ta' serclajt fuqha
l-ghera taghha esponiet
b'ghajnejn suwed jibbru jibbru
qanqlet wisq passjonijiet.
Bhal Salome mal-kolonni
ta' Erodi l-palazz
kienet tizfen u tizzegleg
b'sengha kbira bla strapazz.
Waqt l-irgiel it-tazzi hafnu
bl-inbid f 'idhom mimlijin
bl-akbar heffa dawn xorbuhom
f 'genn ta' mhabba miklubin.
Minn bejniethom ghaddiet tizfen,
l-ghera wriethom ta' sikwit
b'gesti u mossi lilhom sahhnet
li hajrithom mhux bil-ftit.
B'qanqil zieni rasha xenglet
kollha nokkli suwed twal,
lejhom harset b'innocenza
qishom qed iharsu t-tfal.
Go hogorhom bdiet hi taqbez
donnha ferh ta' xi qattus,
m'ghonqhom qabdet u hekk iddendlet
sa minn bwiethom ramplet flus.
Lejn id-dar marret dahq tfaqqa'
ghax nitfithom bhal beccun:
skantat kif irgiel b'xirfithom
minnha nqabdu bhal mazzun.
Joseph Aquilina
(Melbourne, Australia)
GHALIK
ghajnejk maqdes ta' ibhra.
minnek insensel parametri ta'
utopji.
ghalik nibdel il-lejl f'poezija.
gismek gizimin senswali.
Sergio Grech
GHALIEX ?
Zaghzugh
mifxul jixxengel
min-naha ghall-ohra tat-triq
wara li ttaqqab fil-vina ta'
jdejh
b'doza qawwija ta' eroina.
Tfajla
unurha mitluf.
Tarbija toqtol f'abort
u qajla jimpurtaha
mid-dmija ticcarcar ma' l-art.
It-tbiccir tat-tarbija
innocenti,
jintilef
qalb zibel u skart.
Carmel Bianchi
MANDALA
jien hu c-cpar li jaqa' habta u sabta,
ir-rimettar ta' mara tqila,
prodott taz-zminijiet,
mit bla identita',
jaqghad mignun fi crieki mhabblin
ta' msagar primittivi
jien hu l-frak li jaqa' mill-blat mielah,
il-wirt battal ta' xmux mahruqa,
sejba tal-fdalijiet,
ilsir bla isem,
ihewden miflug f'xaradi mnassbin
ta' sfingi 'nkwizittivi
jien hu t-trab ta' katakombi mdallma,
l-irmied antik ta' ghadam sieket,
grajja ta' tifkiriet,
nisel bla sekli,
jemmen miblugh f'ritwali misturin
ta' mqades emotivi
jien hu li hu:
tad-dell - limbu tal-wahx,
tan-nies - landa taz-zibel
irrid nghajjat u ma nistax.
Philip Sciberras
IZ-ZGHOZIJA
Nibki x'hin iz-zmien
jaghfas bhal morsa
lejn triq ix-xoghol
fl-infern tal-irgulija.
Niftakar hesrem
meta f'dawl ghajnejk inhares
kemm tbahrid u hena rajna,
kemm bil-frugha tal-gejjieni
dhakna
u dhakna,
u dhakna.
Ghada le, mahbuba,
ghada ninxtehtu f'saqqu-ponot bhall-Indjani
nibku
u nibku,
u nibku.
Sa ruhna ttir.
Zghozija, zghozija kif tliftek ma ndumx?
Zghozija tabilhaqq l'int l-isbah zmien.
Charles Flores
QED JAQTA HAFNA FJURI MINN QALBI
(ghal missieri f'jum il-missier)
dar-ragel li kiteb fir-ramel
l-istorja inutli tieghi
u pagni mqattgha bcejjec
fil-jum li ma sebahx
dar-ragel dejjem sieket
li rikeb l-irwiefen tal-lejl
fil-lejl abjad bil-kesha
qed jaqsam l-univers
dar-ragel dejjem sieket
f'dil-ewwel sena siekta
qed ighidli bla lehen
il-kliem mibdul fi hniena
li nifhem jiena biss
dar-ragel dejjem sieket
ghadu miexi mieghi
fil-vjagg inutli tieghi
bil-lampa dejjem tixghel
minn ghajnejh mitfijin
dar-ragel tas-silenzju
mar jaqsam is-silenzju
u l-eghlieqi dezerti tax-xewk
f'dil-ewwel sena siekta
qed jaqta' hafna fjuri minn qalbi
Doreen Micallef
GHAD FADAL GHADA
Iz-zghozija li ttul ftit sighat,
mhux ta' min jghixha.
L-ghanqbut jidbiel fl-irkejjen
u jitlef dijjietu fiddiena
u l-hajja tal-bierah
tinghi l-krib tat-twelid
biex illum minn fuq cint nehda nhares
lejn satret l-ibliet
u nisma' f'widnejja
il-passi li jtektku fuq l-asfalt mikul.
Il-lejla kont hieni,
(forsi ghax iltqajt
ma' min kelli niltaqa'),
mill-imhabba li xtaqt ma ccahhadtx,
izd'issa li dalam
u d-dawl tal-vetrini ntfew,
u ommi (miskina),
issahhan ir-ross fuq il-gass,
jien qtilt 'il hajti:
dik l'ghext illum
u resaq fil-qrib pitghada l-mishut
li naf ser jibdilli
t-tifsila ta' hajti ghal dejjem.
Imm'ghad fadal ghada:
il-Hadd tal-mistrieh,
ghad fadal ghada,
il-qofol ta' hajti.
Raymond Mahoney
TALBA
lejl skiet.
swar abiss.
qmis swat.
dirghajn ugigh.
mnili t'ghejja.
gazzetta solitrudni.
fejn issalpa
harstek Mulej?
Sergio Grech
META GHADA
meta ghada xaghri jheff
u ftit ftit jaqa'
u xejn mill-lewn hamran
fuq wicci ma jkun baqa'...
Meta ghada z-zmien b'difrejh
jiffirma ismu fuq gbini
biex il-jedd tieghu fiqi fis jurini...
Meta ghada l-lehha tghib
u d-dawl izid inin fi hbub ghajnejja,
halli Mulej,titliegheb
tbissimma fuq xufftejja...!
Carmel G. Cauchi
L-EROJ TAL-GWERRA
Bla idejn,
bla riglejn,bla hegga ta'xejn.
Mugugh,
fuq sodda mitfugh
dalwaqt ikun bla ruh...
Fl-ahjar taz-zghozitu,
ghall-glied mar rasu
mimlija,
u hajtu kollha mohlija...
Ughalkemm jistaqsi
ghalfejn,
jibqa'jistenna ta'xejn.
Noel Fabri
GHALIEX JA HAJJA?
Ghaliex l-arlogg itektek
u d-dinja tibqa'ddur?
Ghaliex trid 'il quddiem timxi
ghax lura m'hemmx fejn tmur?
Ghaliex jindifnu maghna
f'qabar it-tifkiriet?
Jewwilla din il-hajja
trejqa b;dawl fil-boghod?
Jewwilla din hi l-hajja
arlogg li jwasslek sat-tmiem
bil-mod il-mod?
Dennis Arrigo
SALM
Gheluq fil-jien.
Maqbud fi gwarnic li ma jiginix.
Maqful f'harstek indifferenti.
Mitluf nadura
grokk likiwidu dezert.
Trunciera tajn f'qiegh
ghajnejja mdemmgha.
In-nifs jitbandal
dghajjef.
Fommi sieket jixtieq jikteb
l-ahhar
tama.Lejl silg....
wara l-biki,l-gharqa totali,
wara l-gharqa t-telfien,
wara t-telfien il-helsien,
mal-helsien ir-rebha.
Sergio Grech
SORRY
ma tantx mietu nies f'dil-gwerra
qalu
it-tfal igemmghu ritratti tal-ajruplani tal-gwerra
u hu jgemma't-tifkiriet ta'ibnu
waddab hawn
jekk irrosuhom ftit,hawn post ghal katavru iehor
l-oqbra ma servewx
prudenti l-alleati
ic-cimiterju ma giex attakkat
b'rispett lejn il-mejtin
policy tal-gvern
nevitaw postijiet civili
nattakkaw l-uniformi
sorry jekk fl-uniformi
kien hemm ibnek.
Joe Azzopardi
KARTA XUGA
Karta xuga mohhi,
li jrid jassorbi
kliemek.
---------
IL-BIERAH
Il-bierah nebbahtni
nikteb poezija
illum ghallimtni nghix.
--------
JEKK S'ISSA
jekk s'issa
l-ebda alla ma fehmni
sa ma sibt lilek.
Inti akbar u aktar
minn alla
u l-fjuri kollha ghalik!!!
Mara
Mara
li taf lejl twil bhal dan
ta'bews u ghasel
hobbni
mhux bhal mahbub li habbek u ghamlek mara,
imma bhat-tarbija
li ghamlitek tifla.
Joe Axiaq (Australia)
HSIBIJIET GUGARELL
Hsibijieti gugarell
jilghabu noghli mal-blat samm
tal-hajja.
Noel Fabri
F'HAJTI STENNEJT
F'hajti
stennejt jitilqu bosta
ferroviji li qatt ma telqu
jew telqu tard;
u stennejt jaslu bosta
ferroviji li qatt ma waslu
jew waslu tard.
Xi darba
il-ferrovijs u jien
inkunu fil-hin.
Victor Fenech
EPIGRAMM A
Igbor caghqa
aqta'kewkba
tigrix hafna
inti u gjja
hekk ghallinqas
qabel tasal
nilhaq nohlom
li int hdejja.
Joe Friggieri
Bahar mimli henna wiccek.
Ghajnejk id-dghajjes
Jisirquni mill-gharqa.
George Falzon
L-ILMA TAL-WIED
Minn qalbi
fis-skiet
dejjem ghaddej
l-ilma tal-wied.
Xi darba,meta jieqaf,
qalbi tkun ilha mgharrqa
go l-ilmijiet.
Gorg Borg
BNEDMIN
Kieku s-sinjur jaghti ftit minn gidu
lill-fqir
u l-fqir jaghti ftit minn tjubitu
lis-sinjur,
kieku fid-dinja la hawn
fqir
u lanqas
sinjur
izda
bnedmin.
Maurice Mifsud Bonnici.
PROTESTS MALTIJA
Int frotta bnina li nqtajt qabel zmienek
u issa tlift it-toghma.Int poezija
li hrigt hazina ghax il-poeta tieghek
tfixkel fil-metri u hallat kelma m'ohra.
Int somma matematika li min jahdmek
jizbalja dejjem.Int vapur bla boxxla
li miexi bla kaptan u passigieri.
Oliver Friggieri
X'JIEN U MIN JIEN
Mohhi mahzen
Qalbi bir
Ruhi Bandiera.
Mohhi mimli
Qalbi mfawwra
Ruhi tperper.
Mohhi tbattal
Qalbi zvojtat
U ruhi taret.
Fredu Cachia (Awstralja)
ETERNITA'
La mmur,illejla,
Niehu xbiethak mieghi
Skolpita f'lahmi,
U m'hemmx ghalfejn ritratti-
Jien pittura tieghek.
Joseph Bugeja
SANDRA
(hajku)
Hi d-dawl fid-dlam
ix-xemx li tkebbes b'qilla
nirien ta'mhabba.
Manwel-Nicholas Borg (Awstralja)
HDEJK
Sentimenti profondi.
Xewqat immaginati.
Hsibijiet bla sabar.
Problemi posittivi.
Meta nkun
Hdejk
Fil-kwiet
Ninsa l-inkwiet.
Emozzjonijiet girja
Sajjetti harba
Gmiel il-Hajja
Bhal Harba.
Daniela Aguis
IL-BAJDA U HAMRA
(TANKA)
Il-Poezija
tkun l-isbah jekk tinkiteb
fuq karta bajda
bil-linka hamranija
tal-pinen bi kliem Maltija.
Manwel Nicholas-Borg
QALBI
Qalbi latrina
kulhadd ihammeg bla hsieb
basta jinqeda.
Sergio Grech
KLIEM
Mimlija din it-triq
b'ghajnejn jitkellmu
minn wara l-hgieg tan-nuccalijiet skuri
f'dinja ta'ftit kliem.
Joe Axiaq
TLIET HWEJJEG
Tliet hwejjeg
iwelldu l-poezija,
tliet hwejjeg:
dmugh, demm u tbatija.
Noel Fabri
DELITTI
Fuq ramel t'Awissu,
Tfal jilghabu l-morra,
Ibexxqu kaxxa maghluqa,
Iqallbu l-mistoqsija,
Wicchom jixhed:TBATIJA.
Joseph Bugeja
MINN KULL MA HLOMT F'ZGHOZITI
minn kull ma hlomt f'zoghziti
Infittex-kollox bahh.
Il-qalb xiha w ghajjiena
Ma tafx tghid hlief "ahh".
Li hlomt kien kollu holma,
Li ghext kien hajja biss.
Ah kieku t-tnejn inghaqdu,
Il-qamar komt imiss.
Issa qasira l-hajja,
U l-holm duhhan ittir........
Ruzar Briffa
CARITAS
Zewg friegh tal-bejt
Inaddfu munqar xulxin-
Mhux bhal bniedem!
George Falzon
GMIEL
Gawwija wehidha
ittajret hafifa
u messet b'sidirha
il-bahar kahlani;
u sider ma'sider
huggiega ta'mhabba,
u twahhdu ghal ftit
fil-berah......fiz-skiet
biex holqu misterju tal-gmiel.
Carmel Calleja
STENNEJT
Stennejt ix-xemx fix-xitwa
u l-ward sabih fis-sajf,
ix-xemx garrieli l-ilms
u l-ward ma kiber qatt.
Joe Axiaq
MEDITERRAN
il-hajja fil-hamrija,
ix-xmajjar fi nzul ix-xemx,
il-hsejjes ta'l-ghasafar
tal-passa f'qawwiethom,
il-ghajta herqana ta'tarbija mwielda gdida,
il-bewsa shuna,
il-ghafsa ta'l-id b'sincerita',
il-kelma ghaziza, nhobbok
u l-paci mieghek...
kliem il-poezija...
mediterran taf
li int agunija?
Mario.F.Bezzina
GANDOFFA
inti l-vini ta'hagra shiha
jew ir-raded ramlija
f'kurrenti hfief f'qiegh
ocejan...
jew xaghar "Kristu" mdemmi
u gharqan
fuq is-salib...
Mario F. Bezzina
REALTA'
wicci ghajjien ihares
minghajr espressjoni.
gnien telqa
jisseduci l-ispirtu
b'harsa.
naghas mistrieh
mohli f'gieh
sikka ripetizzjoni
ta'palazz holm.
xkupa realta'
twaqqa'bir imaginazzjoni.
Sergio Grech
FIS-SEMA TIEGHEK
Fis-sema tieghek
tlajt nixghel zewg kewkbiet.
Ul-lejl kien kollu mhabba
u qalbi kollha skiet.
Gorg Borg
RIFLESSJONI
Hsieb 1:Qatt ma rajtha x-xemx - tqattar
igsma energija
ghal fuqi.
Minflok, hassejt
influwenza paradossali
fil-kontrarjeta' ta' l-elementi:
fir-razzismu attiv
immullat minn passivita' ddrogata.
Hsieb la: Hallast ghal kollox -
anki ghal meta x-xemx immirat band'ohra.
Natalie Guillaumier
HAJKU
Ghalijja d-dinja
Pillola morra. Mela
Dan kif ma nfiqx
Manwel Cassar
IMMORTALITA'
qorq jistenna s-sieq li ssahhnu,
gilda mejta
dell ta'tfajla rzina
mbezzgha bit-theddida tas-shaba riesqa lejn ix-xemx
ghanja li titliegheb zeffiena fuq il-korda
ta'vjolin li bil-mod il-mod qieghed jitmermer
Ma nixtieqx.
Maurice Cauchi
MEDUSA
B'xaghri tisserrep mar-rih,
xhedt it-trawma
ta' ritratt imcarrat
f'qiegh kexxun.
Hares lejja,
forsi tilmah il-bahh
tal-frammenti ta' ruh-muzajk
mittiekla biz-zmien.
M'iniex allucinazzjoni
ta' mohh marid,
ha tishet il-mument
meta hu bezaq f'ghajnejk,
u wettaq il-haqq.
Ghax darba sehh delitt
fuq il-fragilita' ta' poeta.
Inti u l-kotra tieghek
zrajtu l-kruha,
u gbartu dak li hu taghkom.
Hares f'ghajnejja
sabiex demmek jinxef
f'gisem zonqri,
u tghix eternita' statika.
Karen Vella
IZ-ZMIEN
Iz-zmien xafra jaqta'
meterjoriti dhahen
mill-ucuh taz-zifef.
Sergio Grech
P.S. FOOTNOTE GHALL-HRAFA TIEGHI.
1.il-ward sebah ma jlewwimx.
il-passaport ma jiginix.
l-awtoritratt tilef in-negattiva.
2.l-awtur ta'hajti
jigma sena wara l-ohra minn tieghi
fl-arkivju ta'lapidi ffrizati cassi.
ismi minn ta'quddiem/prominenti fil-lista
mzejjen/ingassat b'linka bellusija.
3.ic-cafcifa tal-mewt tkampa wehidha
minghajr bzonn/hjiel ta'appogg.
Sergio Grech
POEZIJA
Int hsieb divin
iffrizat f'mument
bhal l-istatwi ta'Pompei
mil-lava mhegga
ta'mohhi!
Carmel Callejja.
XEWQA
Jekk ghandu d-dawl inin
u jghib bil-mod il-mod
sakemm imut f'ghajnejja
irrid li l-ahhar dehra
li nara tkun ta'wiccek
...ta'wiccek biss,Mulejja
sabiex fid-dalma tieghi
insibu dejjem mieghi!
Carmel.G.Cauchi
LILL-PROFESSUR GUZE AQUILINA
Zewwigt il-pinna
ma'hsibijietek safja
u ktibt is-salmi
bil-qawwa tal-hsieb tieghek,
kapolavur ta'drieghek.
Manwel Nicholas Borg
FUQ XIFER...
Fuq xifer l-irdum tlajt
u l-qamar,
jien tiela rajt
xehtu tefa', fuq il-bahar
dal-musbieh lejli
u dawl tal-ahhar
u ttajru u telquni,
il-hafna hsibijiet
bhal qisu missni,
is-sahar, tal-gholjiet
u go fija dahal, ifur,
il-mistrieh tas-sliem,
x'qieghed inhoss issa
ma jitfissirx fi kliem.
Dr Mario Farrugia
taht it-torri ta’ l-ghallis
hekk kif ix-xemx titgerbeb ghal fuq rasna
u kangu xih
mal-halel imbeghrnin irattab lehnu
hekk kif il-hniefel kohol
jizzellqu ma’ genbejn il-blat mingur
minn driegh zmienna, hanini...
u l-kokk jitbaxxa
ghal triq tilloleandra,
u sriep daqs taljakarti
mill-kenn umduz t’gherienhom isaffrulna
biex f’ghafset tisfiriethom ihannuna...
ismaghha qalbi ttektek
mizblugha fl-ahmar niezel,
niezel
jofroq
il-wisa’ - wens ta’ mhabbti
u mhabbtek tant reali, rzina, helwa...
hekk kif inkiss inkiss jersqilna l-ghabex
bhalm’ armonija mnezzgha
migmugha m’nn univers qeqni, bla sura -
isteriku ftakarni
intenni gilwa wgigh!
Hekk kif il-qamar l-gholjiet
harkieni
jimla
- lembut dawl abjad -
f’burdata lgiem u seher;
ghajnejk sprunari mqarba
fl-ibhra t’ghajnejja nkalja
u ‘l sidrek alabastru mneffah
bil-mod il-mod skandalja
fuq sidri, l-muswaf sidri...
passjonidin fi xfar ghajnejk spanjoli
hekk kif mal-hagar gholi
indur mixghul ghalik mistaqsi l-ghala
rrid nifhem gost il-waqt imbagh’d
traku bhal boqqa tiffollali mbagh’d
il-kliem stanjata fl-awli ta’ widnejja mbagh’d
hanini, kollox nifhem...
Louis Briffa